Paasisitsiniaaneq aqqutissaavoq

Aamma imigassartorpallaarnerup akiorniarnerani paasisitsiniaaneq aqqutissaasoq isumaqatigiissutaaqaaq:

- Peqatigiiffinnut ilaasortaagatta, tamakkuninnga aamma uagut sammisaqarpugut. Utoqqaat Peqatigiiffianni, innarluutillit Peqatigiiffianni assigiinngitsunilu aanngajaarniutit kingunipiluinik paasisitsiniaarnermik ingerlatsisarpugut, Agnethe Olsen oqarpoq.

Eli Villadsen isumaqarpoq, aanngajaarniutinik atuinerup kingunipilui oqaloqatigiinnikkut paasineqarsinnaasut:

- Oqaloqatigiittassagaanni piffissaq sumiluunniit aalajangeqqanngilaq. Silamiluunniit naapilluni oqaloqatigiilaartarnissaaq pisariaqarpoq, Eli Villadsen oqarpoq. Aron Olsen isumaqarpoq, imigassartorneq kingunipiloqarpallaartoq, namminerlu imigassartortanngikkuni pitsaanerutippa:

- Uanga akuersaarsinnaanngilara, imigassartorneq immaqa tamatigut ajortoqartuaannarmat.

Aanngajaarniutinik atuinerup kuingunerisinnaasai Atsa Olsenip ilisimasaqarfiginngilai tamakkununnga malinnaavallaannginnami. Taamaalilluni aanngajaarniutinik atuivallaarnermi kingunipiluusinnaasut ilisimasaqarfiginngilai:

- Saqquminerusariaqarput paasisitsiniaanerullutillu, Atsa Olsen isumaqarpoq.