Paasisitsiniaalersut

Nunatsinni inuusuttut piumaneqartorujussuit.

Taamaattumik Sakkutuut imarsiortut Kangilinnguani Sakkutooqarfik peqatigalugu aalajangersimapput inuussuttut umiarsuarnut alapernaarsuutaasunut inuttanngortinniarnissaannik annertuumik suliniuteqar-niarlutik.

Taamatut oqaluttuarpoq, Kangilinnguani Sakkutooqarfimmeersoq, orlogskaptajn, Alex Jensen.

Inuusuttunik amerlasuunik illersornissamut tunngatillugu Kangilinnguani imarsiortunngortussanik tupigisassaanngitsumik pissarsiorpugut. pissarsiortarsimagaluarnigut pitsaasumik maannamut kinguneqartarsimanngimmata. Tamaattumillu massakkut allaanerulaartumik sakkortuninnguinnarlugu imarsiortussanik pissarsior-nermut ingerlanniarlugu aalajangersimavugut.

Sakkutuut umiarsuaat alapernaarsuut ”Triton” Kalaallit Nunaata kitaani illoqarfinnut aasaru angalaartinniar-parput, pilersaarutigaarpullu ulloq ataaseq illoqarfinni tikitaminiittassasoq. Illoqarfinnilu inuusuttut kikkulluunniit sakkutuunngorusuttut ”Triton”-imut misilitsikkiartuinnartarsinnaassapput. Illersornissamut tunngatillugu sulisorisavut angalaarnissatsinni ilaginiarpavut, taamaalillutik inuusuttut misilitsittussat Danmarkiliaqqaaratik sakkutuunngornissaminnut misilitsiinnartartussaapput.

- Orlovskaptajn, Alex Jensen, oqarpoq,

Inuusuttunik kalaallinik marluinnik oqaasilinnik ilungersorlutik pissarsiornertik tunngaveqartoq; Annaassiniartoqartillugu kalaallisuinnaq oqaasillit paaseqatiginiarneri ajornartorsiutigisarsimagitsik.

Aamma oqarluni; imarsiornerinnaq eqqarsaatigalugu kalaallinik sakkutuunngorusuttunik pissarsiornertik kisiat ingerlatinngikkitsik, aammali timmisartortartunik nunamilu sakkutuunngorusussinnaasunik illoqarfinni tikikkumaakkaminni pissarsiornissartik ingerlanniaritsik.

Soqutiginnittut misilitsissutissat assingiinngitsut angusiffigisartussaavaat, illersornissamut tunngatillugu suna soqutigineqarnersoq misilitsinnerup aallaavigisassagaa erseqqissaatigineqarpoq.

Inuusuttut 18-niit 23-nut ukiullit sakkutuunngorsinnaanerat aallavigineqarpoq, soorunami arnat aamma misilitsinnissamut tikilluaqqusaapput.