Paasisanik misissuisarfissamik peqalernissaa kissaatigineqarpoq

Inuussutissarsiornermut Aatsitassanullu Naalakkersuisoq, Ove Karl Berthelsen, tamassumunnga isumaqataavoq, oqarlunili Qeqertarsuarmiittoq, Naasorsiooqarfik tamassumunnga tulluartuusoq.

- Ilisimalikkanik misissuisartfissaq pisoqarfiusut eqqaaniinnissaa Naalakkersusiunit pissusissamisoortutut isigaarput. Uuliasioqatigiiffiit, NunaOilip aamma uagut Naalakkersuisut, oqaloqatigiinnitsinni Qeqertarsuarmiittoq, Naasorsiooqarfik naleqquttutut taaneqarpoq. Suliarli ima suli siuarsimatiginngilaq aallaat misissuisarfissap sumiinnissaa maanna aalajangerneqarsinnaalluni, Ove Karl Berthelsen oqarpoq.

Maersk Oilip ilisimatusarnermut pisortaa, Lars Nydahl Jørgensen, ulloqeqqanut radioaviisimi oqarpoq, akuersissummik tunisiffimmi timaani illoqarfiit arlaanni misissuisarfimmik pilersitsinissaaq suliniutit siullersarissagaat. Maersk Oilimit Upernavik taaneqarpoq aammali Nuuk taaneqarluni. Qeqertarsuarmi Naasorsiooqarfik periarfissat ilagiinnarallaraat Ove Karl Berthelsen oqarpoq:

- Periarfissatut takusinnaasatta Qeqertarsuaq ilagivaat, soorunami misiliilluni qillerinissat sumiiffiit timaanniittut illoqarfiit aamma periarfissaasinnaapput.

Maersk Oilip taamatut pilersaaruteqarnera pissusissamisoortutut Naalakkersuisup isigaa, aammalu kikkunnit tamanit atorneqarsinnaanera tulluartutut isigalugu:

- Pilersaarutit aallavigilluinnarpaat misissuisarfimmik piaartumik pilersitsisoqarnissaa, misissukkat nunanut allanut aallarutinngikkaluarlugit misissorneqarsinnaanissaat. Soqutigilluinnarparput misissugassatut tulaanneqartut piaartumik misissorneqartarnissaat.

Taama oqarpoq Inuussutissarsiornermut Aatsitassanullu Naalakkersuisoq, Ove Karl Berthelsen.