Paasiniaalluarnissamik neriorsuivoq
Aningaasaqarnermut ataatsimiititaliami ilaasortat Ålborgip umiarsualivia nunatsinnut attaveqaataanissaanut paasissutissanik sukumiinerusunik pissaqqaartoq, attaveqarnermut naalakkersuisup Jens Napaattuup maanna neriorsuutigaa. Erseqqissumilli oqaatiginngilaa qaqugu paasissutissiinerusinnaanerluni, oqaatigaluguli inatsisartut ukiaru ataatsimiilerpata aningaasaqarnermut ataatsimiititaliap paasissutissat pereersimassagai.
Nunatsinni aalisakkanik suliffissuallit akikinnerusumik Ålborgemi sulinneqarsinnaannginnerinut apeqqutit Royal Arctic Line peqatigalugu oqaloqatigiissutigineqaqqissinnaasut Jens Napaattuup qularinngilaa.
Attaveqarnermut naalakkersuisup Jens Napaattuup aamma oqaatigaa Ålborgip umiarsualiviani kisermaassinermut assingusumik aningaasaqarnermut ataatsimiititaliap oqaatigisaa tunngavissaqarpallaanngitsoq, pissutigalugu nunatsinni oqartussat Ålborgep umiarsualiviani illorsuarnik piginneqataammata tunisinnaanngisaminik.
Hirtshals akikinnerpaatut taakkartorneqaraluarluni, avatangiisimigut piareersimanngilaq, soorlu kivittaateqarnikkut. Esbjergermiut oqarsimapput 17 mio. kroninik akikinnerusumik neqeroorsinnaalluni oqarsimagaluaq, maanna paasineqarpoq 1 mio. kroninik akisunerusoq.
Attaveqarnermut naalakkersuisoq Jens Napaattooq ualiartoq radioaviisimut taama oqarpoq.
Inuiaqatigiit sipaarfigisinnaasaanik Ålborgip ukiunut qulinik isumaqatigiissutiliorusunnera pinnagu ukiunik sisamanut isumaqatigiissusiornissaq Jens Napaattuup inatsisartunit peqqunneqarnini pillugu ujartuiffigineruaa.
