Paarnaarussivik Guantanamo-mit ajorneq

Cubami Guantanamomi amerikamiut sakkutooqarfianni parnaarussat pineqarneri isornartorsiorneqaqaat. Aviisimi New York Timesimi atuarneqarsinnaavoq arajutsisitsillutik Afghanistanimissaaq tigusanut inissiiviliorsimasut, oqaatigineqarporlu Guantanamomit pissutsit ajornerulluinnartut.

Tigusat eqimattakkaarlugit ungaluukkaniitinneqarput.

Ilaqarput ukiuni marlunni-pingasuni parnaarussaaqqasunik. Ilisimanngilaat sooq parnaarussaanerlutik, eqqartuunneqanngillat illersortissaqaratillu. Tigusanut inissiivik Afghanistanimi illoqarfiit pingaarsaanit Kabulimit 65 kmisut avasitsigisumiippoq, inuillu piginnaatitaaffiinik suliniuteqartunit arajutsineqarluinnarsimalluni.

Siornali saqqummiunneqarpoq tigusat ilaat qilaamut nivinngakkat unatarlugit naalliutsinneqarlutik 2002mi toqusimasut. U.S.Ap naalakkersuisuisa paasissutissiinissartik mianersuulluinnarpaat tigusallu 500t sinnillit aqqi tusarliunnaveersaarlugit.

Tigusanut inissiivimmut Røde Korsimi sulisut kisimik iseqqusaapput.

2004mi U.S.Ami naalakkersuisunngortut aalajangerpaat sorsunnermi tigusat Guantanamokaannagit Afghanistanimili qaqugorsuarmut tigummineqarsinnaasunngorlugit inissinneqartalissasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat