- Meeraq TikTokikkut sakkortuumik isiginnaagaqarsimaguni taava meeqqap tamanna oqaloqatigiissutiginissaa pisariaqartippaa, Tina Evaldsen oqarpoq.Assi: Qeqqata Kommunia

Paarisa immiussaq sakkortooq pillugu: Meeqqat TikTokimi ikioruk

Meeqqat videomik assinilluunniit sakkortuunik TikTokikkut inoqatinulluunniit attaveqaatikkut allakkut isiginnaagaqarsimappat taava meeqqavit qanoq misigisimaneranik oqaloqatiginissaa pingaaruteqarpoq. Paarsi taama siunnersuuteqarpoq.

Videoliaq sakkortooq inoqatinut attaveqaatikkut, TikTokikkut siammarterneqarpoq.

Kinamiut attaveqatigiittarfiutaata, TikTokip videoliap nunguterpaa, videoliarli atuisartunit allanit aaneqarsimallunilu siammarterneqarpoq.

Tamanna pissutigalugu Paarisa angajoqqaat meeqqaminnik immiussamik isiginnaagaqarsimasinnaasunik oqaloqatiginninnissaat kaammattuuteqarpoq.

AAMMA ATUARUK Paarisap Tiktokimi immiussaq sakkortooq mianersoqqussutigigaa

Paarisami peqqissutsimut tunngasuni siunnersorti, Tina Evaldsen angajoqqaanut aamma kaammattuuteqarpoq:

- Meeraq TikTokikkut sakkortuumik isiginnaagaqarsimaguni taava meeqqap tamanna oqaloqatigiissutiginissaa pisariaqartippaa, taamaalilluni eqqarsaatit annertuallaalissanngillat, Tina Evaldsen oqarpoq.

- Taamaammat angajoqqaat meeqqaminnik sakkortuumik isiginnaagaqarsimasumik oqaasinnguisitsinissaat pingaaruteqarluinnarpoq.

TikTok sunaana?
TikTokimi filmiliaaqqanik nammineq isumassarsiorluni nutaaliaasunik naatsunik sanasoqarsinnaavoq, tassani nipilersuut atorlugu ussersorluni qitilluniluunniit imminut filmiliortoqarsinnavoq.

Filmiliaaqqap sivisussusaa nalinginnaasunik minutsit pingasuniit 15-inut takitigisarpoq.

ilmiliaaqqat nuannarinnittuniit malinnaasuniillu oqaaseqarfigineqarsinnaapput like-rneqarsinnaallutillu.

TikTokimik atuisuuniaraanni 13-inik ukioqalereersimanissaq piumasaqaataavoq, taamaakkaluartorlu suli 13-liineqanngitsut angajoqqaaminniit akuerineqarlutik atuisuupput.

Najoqqutaq: Qeqqata Kommunia

Ukiunut killissaritinneqartut malinneqanngitsoq

Tina Evaldsenip Red Barnetip nittartagaa angajoqqaanut siunnersuutinik aalajangersimasunik nassaarfiusinnaasoq innersuussutigaa.

TikTokimi atuisunngorniaraanni 13-ileereersimanissaq piumasaqaataasoq ilaatigut allassimavoq.

Tamannali meeqqanit tamanit malinneqarneq ajortoq, Tina Evaldsen isumaqarpoq.

- TikTok inoqatinut attaveqatigiiffittut suunera oqaluuserissallugu pingaaruteqarpoq.

- Assinik videolianillu sakkortuunik takusaqaratarsinnaaneq oqaatsinilluunniit oqariartaatsinillu sakkortuunik tusaasaqaratarsinnaaneq pillugu oqaluuserinnigitsi.

Meeraq immikkut iluarsaatassanik ikioruk

Tina Evaldsenip oqarnera naapertorlugu angajoqqaat meeqqami TikTokianni immikkut iluarsaatat misissortariaqarpaat.

- Meeraq immikkut iluarsaatassanik ikiorneqassaaq, iluarsartuunnerilu ajunnginnersut qulakkeerneqarlutik. TikTokimut ikkussigaanni nunguteqqinniarnera ajornarpoq.

Tina Evaldsen angajoqqaanut siullertut ima siunnersuuteqarpoq:

- Meeraq peqatigalugu TikTokimi isiginnaagaqaritsi, meeqqallu TikTokimi suut isiginnaartarnerai maluginiarlugit.

TikTok pillugu ilitsersuut

Nunatsinni TikTokimi atuisup imminut toqunnissaminut piareersarnera ukioq manna apriilip qaammataani aamma siammarterneqarpoq. Taanna immiussap kingorna imminut toquppoq.

AAMMA ATUARUK Qeqqata Kommunia: Pas på ubehagelige og ulovlige videoer på TikTok

Pisoq taamani pillugu Qeqqata Kommunia angajoqqaanut meeqqami TikTokimik atuinerannut atatillugu ilitsersuuteqarpoq.

Ilitsersuut uani nassaarisinnaavat.

Ikiorneqarnissamik oqaloqateqarnissamilluunniit pisariaqartitsiguit Tusaannga oqarasuaammut 801180-imut imaluunnit SMS-ikkut 1899-ikkut attavigisinnaavat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat