Paamiut: Suliffiit amerlippata imigassamik atornerluisut ikilissapput

Ilinniagaqarsimanngitsunut suliffiusinnaasut amerlanerit Paamiuni pilersinneqartuuppata imigassartortarneq ullumikkutut erseqqitsigiunnaassagaluarpoq, sullivinnimi ernguttarnerit siornatigut atugaasimasut iluatsittumik pisarunnaarsimapput, taama isumaqarpoq Karl Erik Nielsen 1969-imili Paamiuni ruujorilerisuusimasoq.
Allattoq Louise M. Kleemann
juunip 27-at 2008 10:29

- Taama pisoqartuuppat Paamiut Asasarami takorluukkatut pilersaarutit, assersuutigalugu uummaarissumik inuussutissarsiornikkut ingerlasoqalernissaanut tunngasut ilaqutariillu pitsaasunik atugaqalernissaannik siunniussat iluatsissagaluarput, Erik Nielsen oqarpoq.

- Paamiut Asasarami takorluukkat tusarnersorujuusuupput. Pisariaqarporli ilinnigaqarsimanngitsut amerlanerit sulisinnaaleqqullugit taava suliffinnik amerlanerusunik pilersitsisoqarnissaa. Suliffeqanngitsut aqqusinermi angalaaginnassappata ajunngitsunik kingunissaqanngilaq, taama oqarpoq Karl Erik Nielsen.

Taamatut siumut ingerlaannartoqarpat taava politikerit Paamiut Asasaramut atatillugit takorluugaasa timitaleriartortinneqarnissaannik isummernissaq piviusorpalaartuua?

- Ilami taamaakkunarpoq. Tassa siornatigornit imigassartornerujussuaq milliartuinnavippoq, ilinnigaqarsimanngitsunut suliffiit nutaat pilersinneqartuuppata, taava imigassamik atuineq piffissaq ingerlanerani ersigunnaartinneqarsinnaavoq, Karl Erik Nielsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq