Ulerujussuarneratigut Paamiuni kalaalimeerniarfik immamit anguneqarpoq, ikaartarfeerarlu kalaalimineerniarfiup eqqaaniittoq immamit anguneqarluni.Assi: Arne Hermansen

Paamiut nalinginnaanngitsumik ulerujussuaqqasoq

Paamiut umiarsualiviata eqqaani ullaaq ulissuaarpoq.

Paamiuni umiarsualiviup eqqaani sulisut ullaaq suliartoramik tupatsitaapput. Imarmi ulissuaarsimavoq.

Ulinnera ima qaffassimatigivoq, imaq Pilersuisumi sulisut isertariaannut anngussimalluni, qujanartumillu Pilersuisumi sulisoq sisamanngornermi ullaakkut suliartortoq siulleq piareersimasimavoq.

Tassalu Rebekka Grim, gummilisaarluni suliartorpoq.

- Aatsaat taama ulissimatigisoq takuara, Rebekka oqaluttuarpoq.

Imaq singerneri qaangerlugit qaffassimavoq.

Ulerujussuarnerali sivikitsuinnaavoq, imarlu Pilersuisup pisiniarfiata iluanut anngutinngilaq.

- Tininnera aallartereersoq Pilersuisumi sulisut allat suliartorput, Rebekka Grim oqarpoq.

DMI har ingen forklaring

Ulerujussuarneratigut Paamiuni kalaalimeerniarfik immamit anguneqarpoq, ikaartarfeerarlu kalaalimineerniarfiup eqqaaniittoq immamit anguneqarluni.

- Biilit immakkut ingerlaartut isigalugit quujanarpoq, Arne Hermannsen, Paamiuni ulersuarmat assiliisimasoq taama oqarpoq.

AAMMA ATUARUK Venedig ukiuni 50-ini aatsaat taama ulitsigisoq

Siornatigut taama ulissimatigisoq takusimanngilaa.

Danmarkimi silasiorfimmi DMI-mi silasiortut KNR-imit attavigineqarput, taakkuali Paamiuni ulerujussuarsimanera nassuiarsinnaasimanagu.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat