Paamiut Kommuneanni aavarneq qaammammik ataatsimik sivitsorneqarpoq.
Taqqavani oktoberip 15-ata tungaanut aavartoqarsinnaasoq, Avatangiisinut Pinngortitamullu Pisortaqarfik aalajangerpoq.
Paamiuni piniartut peqatigiiffiata qinnuteqarnerata kingunerisaanik taama aalajangertoqarpoq.
Aavarneq aggustip aallaqqaataani aallartimmalli silarlungaarmat ullut arlaqanngitsuinnaat aavarfiusinnaasimapput, aavarfiusullu eqqaa sikorsuaqarsimaqaaq.
Oktobarip 15-ata tungaanut aavarfiusinnaasut tassapput; Qassit aamma Neria.
Paamiuni piniartut peqatigiiffiata qinnuteqaataa Paamiut Kommuneanit KNAPK-millu tapersersorneqarpoq.