Paamiut Feriartarfinnit kiannerusoq
Danskit arlaqartut uggutigissagunavippaat Europap kujataanut feriarsimagunik, avannarpasinnerusumummi feriarsimassagaluarput, Nunatta kujasinnerusortaa ippassaq Grækenlandiminngarnit kiannerusimavoq.
Paamiuni ippassaq ulloqeqqanut 16-nik kiassuseqarpoq, Feriartarfimmilu Kretami taamaallaat 14,2-nik kiassuseqarsimavoq. Feriartarfiillu Europap kujataaniittut ippasaq aamma taamannak kiassuseqarsimapput.
Nunatsinni kiannerujussuanut pissutaavoq silaannaq kissartoq kujatiinnarsuanit appakaammat.
Paamiuni 16-nik kiassimanera 1958-mi uuttortaasoqartalermalli ukiup ima ilinerani aatsaat taama kiatsigaaq.
Paamiuni 16-nik kiassimanera taamaassimappat, nunatsinni rekordiliisoqarpoq. Narsarsuaq 1980-mi 15,4-nik kiassimavoq, sulili 1965-mi kiannerusimavoq, taamani 14,2-nik kiassimagami.
