Paamiut avammut attaveqanngillat
Paamiut eqqaanni sakkortusaaviup ajoquteqarnera pissutaalluni Paamiunut attaveqartoqarsinnaanngilaq.
Allattoq Louise M. Kleemann
Paamiut eqqaani sakkortusaavimmi attaveerunneq pissutaalluni, Paamiuni radio TV-lu qaminngapput. Aamma Internetti, telefonit mobiltelefonillu attaveqanngillat.
Nuummi TELE Greenlandimiit iluarsaassiartortut Air Greenlandip qulimuguulianik aallarniarsimagaluarput, silalli ajornera pissutigalugu aallarsinnaasimanatik. Aamma kujataaniit orniguttoqarsinnaanera sulissutigineqarpoq.
Pisoq TELE Greenlandimit ajuusaarutigineqarpoq, akornutaasullu piaarnerpaamik iluarsineqarnissaa sulissutigineqarput.