Kujataani silarlunnera pissutigalugu kabelip sulineqarnera unitsinneqarallarsimasoq suliarineqarnerata imikkoorutua kingulleq sisamnngornermi nanginneqarpoq Assi: Tele-Post

Tele-Post Paamiuniit Narsarmiinut internet attaveerutissaaq

Kujataani imaani kabelip suliarineqarnerata immikkoortuta siulleq iluatsippoq, Tele Post ullaarmanna tusagassiuutinut nalunaaruteqarluni taama allappoq.

Kujataani ulluni kingullerni  anorersuarlunilu silarluttorsuunera pissutigalugu kabelip aaqqissuunneqarnera unitsinneqarallarneqartarsimavoq.  

Kabelip suliarineqarnerata unitsinneqarallarneqarnerani qarasaasiakkut attaveqaatit atuisartunit nalinginnaasumik atorneqarsinnaasarnissaa Tele Postimit isumagineqarpoq.  

Kujataani maanna qatsuumivoq, taamaattumik imaani kabelimik aaqqissuussineq ullumikkuminngaanniit nangeqqinneqassasoq, Tele-Post allappoq.

Paamiuniit Narsarmiinut attaveqaatinik atuinerit tamarmik ullumikkumiit matuneqarnissapput.

Telefonit, oqarasuaatinut  angallattakkanut attaveqaatit, SMS, TV aamma radio tamarmik atorsinnaaginnassapput. Kujataanili sullitatta eqqorneqartut  pitsaassutsip nalinginnaasumiit appasinnerunissaa naatsorsuutigisariaqassavaat, Tele-Post tugassiuutinut nalunaaruteqarluni taama allappoq.

- Sullitatta annikinnerpaamik eqqorneqarnissaat aammalu imaani kabelip aaqqissuunneqarnerata sapinngisamik uummaarissumik pilertortumillu ingerlanneqarnissaa tamaviaarluta ilungersuutigaarput. Neriuutigaarpullu  aaqqissuussinerup ingerlanneqarnerani kingullerpaami silap naakkiumaaraatigut, TELE-POST-imi Teknikkimut IT-mullu pisortaq Jonas Hasselriis taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat