Paamiuni tarnip pissusaanik ilisimasalimmik amigaateqarput
-Ukiut marlunngorput aapparalu qimannerput assut artornarsimavoq. Nukappiaraatitta arfineq amarlunnik ukiullip assut oqimaatsumik tigusimagamiuk. Taavalu siorna atualerami tassanngaannaq kamarujussuartalerluni. Tassuma kinguneratigut sapaatip akunnera atuarfimminngaanniit anisitaavoq taavalu aamma ilinniartitsisorlu paasimagamik. Assorooqaanga assut, taavalu ikiorneqarnatalu. Atuarfimminngaaniit piumaffigitippunga, børnelæge maaniippoq takanunga bestiiliiaartorniarit.
Nakorsaq oqarpoq ajortumik pineqarsimavusi, anaanapalaanngilatit aamma meeranguna una ikiortarialik.
Else Thorsen taama oqarpoq. Paamiuni atuarfiup pisortaata tullia Marius Jerimiassen Jakobsen oqarpoq tarnip pissusaanik tikinneqartarnertik akuttusoorujussuusoq.
-Ukiut tamaasa atuarfiusumut innersuussisarpugut meeqqanik psykologimit misissugassanik. Ukiuni kingullerni eqqaamanerlunngikkuku assorujussuaq ajornartorsiutaasarpoq, ilaatigut tikinngitsoortoqavittarpoq.
Qaqortumi PPR-mi psykkologinit Paamiut tikinneqartartusaavoq. Tassanilu psykolog Else Poulsen oqarpoq, januaarip aallaqqaataaniit siunnersuisarneq kommunimut akisussaaffigineqalerniartoq.
-Massakkorpiaq Nanortalik, Narsaq Qaqortoq, Paamiut, Maniitsoq, Illoqqortoormiut siunnersuisarfeqannginnerat pissutigalugu. Taakkua kommunit ilai uagutsinnut tunngajunnaassapput kommunilli pingasuinnaat kujataaniittut isumagilertussallugit. Tarnit pissusaannik ilisimasalik Else Poulsen taama ilisimatitsivoq aamma oqarpoq Paamiunut aqqutit ajornakusoorrnerat suliassarpassuillu pisuullutik Paamiut tikinngitsoortarsimagitsik. Kiisalu ilisimatitsissutigaa Ilulissani Qaqortumilu PPR-it, tassa meeqqanut atuartunut angajoqqaaavinullu siunnersuisarfiit, ullumikkut Namminersornerullutik Oqartussat ataaniittut kisiannili Nuummi, Sisimiuni, Tasiilami Uummannamiittorlu kommuniminnut atasut.
