Paamiuni sattuartassat ilaqqeqquneqarput

novembarip 11-at 2005 10:03

Paamiuni assigiarsunniarneq unitsinneqarmat, Paamiuni assagiarsulerifinni Royal Greenland-imi aamma Tunitsivik A/S-imi sulisut katillutik 45-it assiagiarsunniartullu 50-it, qaammatini marlussunni isertitaarukkallartussanngorput. Tamanna pillugu Paamiut kommuneat Naalakkersuisuungallartunut kissaateqarpoq assigiarsuttassiisoqaqqullugu. Paamiuni Borgmesteri Lars Sørensen Inuit Ataqatigiinneersoq, ima oqarpoq:

-Kingullermik 400 tonsinik pisassiisoqartoqarmat 90 tonsinik ilanngarneqarsimammata, tamanna Paamiut kommuneata Paamiunilu aalisartut naleqqussaanissaannut periarfissiinnginnera assorujussuaq uggornarpoq, tamannalu tunngavigalugu Naalakkersuisunut saaffiginnissuteqarpugut.

Paamiut kommuneat piumasaqarpoq saattuartassiissutinit 400 tonsiusunit 90 tonsit ilanngaataasut uterteqqinneqartariaqartut, sulinerup decebari ilanngullugu ingerlaannarnissaa siunertaralugu.

Taamaattorli inuit siuliunnaarallartut pisortat ikiorsiissutaannik pisariaqartitsilernissaannut Paamiut kommuneat aningaasatigut piareersimasoq Lars Sørensen erseqqissaavoq.

- Pikkorissarnikkut aningaasanillu ikorsiissuteqarnikkut iliuuseqarnissamut piareersimavugut, Paamiuni ukiuni kingullerni aalisartoqarluarneratigit kommunep isertitaqarluarsimanera pissutigalugu.

- Taamaattorli taama tassanngaannartigisumik unitsitsinertik pissutigalugu Namminersornerullutik Oqartussat pisussaaffigisariaqarpaat inuit pineqartut pikkorissarnissaannut aningaasaleeqataanissartik.

Naalakkersuisunut saaffiginnissut iliuuseqarfigineqanngippat qanoq iliortoqarniarneranik aperigatsinni Lars Sørensen akivoq, Naalakkersuisut akisussaaqataasut tamaattorli akinissaat utaqqissagitsik.

Paamiut kommuneata saaffiginnissutaa Aalisarnermut Piniarnermullu Pisortaqarfimmi tiguneqareersimasoq sulili akissuteqartoqanngitsoq ilisimatitsissutigineqarpoq.