Royal Greenlandip saarullinnik tunisassiorfiutaa Paamiuniittoq pingasunngorpat ammaqqissasoq tunisassiorfiup pisortaata Kunuk Albrechsenip ilisimatitsissutigaa.
Umiarsuarlu Paamiuni saarullinnut tunitsiviugallarsimasoq ”Tunitsivik Paamiut” aqagu aamma matussasoq ilanngullugu ilisimatitsissutigineqarpoq.
Royal Greenlandip tunisassiorfiutaani aasaq manna sulisut 100-t raajaleralutik suliassaaleqisimanngeqaat, saarullinnillu tunisassioqqilernissaq sulisunut suliassaaleqilersitsinerunavianngitsoq Kunuk Albrechsenip aammattaaq unnerpaa.