Paamiuni qipoqqartoqarpoq

Paamiut eqqaani ullumi qipoqqartoqarpoq. Paamiormiu Siverth Knudsen siullermik qipoqqarmik pisaqalinngitsoq pisaqartuuvoq.
Allattoq Nukappiaaluk Hansen Magnussen
aggustip 31-at 2010 15:01

- Qulit-aqqarngullu missaanni aallarpugut. Aallallatsialaaginnartugut qipoqqaq takuarput. Ullup qeqqata missaani qipoqqaq pisaraarput. Maannakkut nunamut qaqinnikuuarput, pilallugu aallartipparput. Qipoqqaq 12 meterisut takissuseqarunarpoq, kisianni misilinnginnatsigu suli, kusanaqaaq alutornaqaaq, Siverth Knudsen oqarpoq.

Ullaaq saattuarniarlutik qipoqqaq pisaraat.

- Saattuarniarluta aallarpugut, alakkarterinitsinnilu ingerlaannaq takuarput. Sivikitsunnguamik malersoreerlugu pisaraarput. Pikkunaatsoornarporluunniit, aamma silaginnera eqqorluaratsigu, naaralaartitsiviup eqqaani takuarput.

Siverth Knudsen oqarpoq.

Taanna siullermeerluni qipoqqarmik pisaqanngilaq.

- Ukiut arfineq-marluk qaangiupput kingullermik qipoqqarmik pisaqarama. Taamani pullatini nerngunnikoq pisaraarput, akuersissummik periarluta uanga taamani toquppara. Aappassaa pisaqarpunga, uanga aamma toquppara. Alutornaqaaq, mamassaqaaq alianaassaqaaq, Siverth Knudsen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq