Paamiuni "Piareersarfik" allaanerusoq

2006-ip aallartisimalernerani Namminersornerullutik Oqartuussat kommunillu suleqatigiillutik kommunini inuusuttut 14-iniit 25-inik ukiullit suliffeqarnermut ilinniartitaanermullu aaqqissuusseqqinnerit ”Piareersarfiit” aallartinneqartussaapput.

Kiffartuusinissamut isumaqatigiissut maanna kommunimi tusarniaavigineqarpoq.

Pamiut Komuuniani inuussutissarsiornermi siunnersorti Niels Løvstrøm Petersen oqarpoq aaqqisuusseqinneq inuusutut tunuliaqutaat toqqammavigalugit piginnaanngorsaaneq ingerlanneqartassasoq:

- Nalinginnaasumik suliassat taassuma iluaniittut assigiinngitsut ilinniartitsinermut tunngasut, taavalu suliffimmi sungiusaanerit ingerlareersut ingerlaqqissapput, Niels Løvstrøm Petersen oqarpoq.

Taanna aperaarput, siornatigut suna ingerlatereersimaneraat.

- Tassunga assingusumik ingerlatsinikuuvugut, kisiannili imannak; sulisorisavut ataasiakkaarlugit pilersaarusiorfiunngitsumik, kisianni maannakkut sulisorineqartut tunuliaqutaat toqqammavigalugit pilersaarusiorluakkamik ingerlatsineq ingerlanneqassaaq, oqarpoq.

Apereqqipparput, inuusuttut sulliviannik ingerlataqareermata tassungalu aaqqissuussinermut ilanngunneqartussaammat suut allannguutaassanersut.

- Allannguut uaniiginnarpoq, ataatsimoortumik Piareersarfiup ataani inissitsiterinerit tassani inuit sullivii pingasuusut, taassuma ataani inissinneqassapput. Taavalu naatsorsuutigalugu suliffissarsiuussisarfiit allaffissornermut aammalu ilitsersuinermut siunnersuinermullu tunngasutigut aamma ingerlatsiviusussat taassuma ataaniileqqinnissaat, Niels Løvstrøm Petersen oqarpoq.

Taanna erseqqissaavoq pitsaaqutaa unaasoq; sulisorineqalertussat pilersaarusiuunneqartassammata inuussutissarsiornikkut ilinniartitaanermi pilersaarusiuunneqartarnissaat suna aqqutigalugu ingerlassanersut, aammalu inuutissarsiummik suliffittaarnissaminnut siunnerfeqarsimappata, tassuuna aqqutissiuunneqassapput ataasiakkaarlugit pilersaarusiorfigineqarneratigut, Niels Løvstrøm Petersen oqarpoq.

Suliffeqarnermut ilinniartitaanermullu aaqqissuusseqqinnerit kommunit ataasiakkaarlutik neqeroorutigisinnaasatik aallaavigalugit pilersaarusiortussaapput. Paamiut kommuniani suliffissarsiuussisarfik ”Piareersarfiup” ataaniilertussaavoq, inuusuttulli suliffissaaleqisutut aningaasarsiaqaratik ilinniartutut aningaasarsiaqartinneqassallutik.

Niels Løvstrøm Petersen aperaarput, aaqqissuusseqqinneq ataatsimut isigalugu sumut iluaqutaassasorineraa.

- Siunersuutigineqartut assigiinngitsuupput, naatsorsuutigineqarluni maannamut suliffissarsiuussisarfimmut inuit saaffiginnitsittarunnaarlugit (saaffiginninnerinnarmik atassuteqartikkunnaarlugit), kisiannili siunnerfilimmik pilersaarusiuunneqartalernissaat tassani siunnerfigineqarmat aammalu anguniagaqarnissaat isumaqarpunga pitsaaqutitut isigisariaqartoq, Niels Løvstrøm Petersen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat