Paamiuni inuusuttunut millioninik tapiisoqartoq
"Sapinngilavut" - "Yes we can"! Barack Obama præsidentimut qinigaagami taama oqarpoq, Paamiunili aamma taama oqarsinnaalluarput"!
Tassami Paamiut illoqarfiani innuttaasunik qanimut suleqateqarluni ineriartortitsinermik suliniut, Paamiut Asasara, tassa Paamiut tassaassasoq meeqqanut ilaqutariinnullu inuuffigiuminartoq, iluatsippoq.
Danmarkimi aningaasaateqarfik, Bikubenfonden, ukiut pingajussaa, suliniummut millioni koruunit sinnerlugit aningaasaliivoq.
Paamiut Asasarap ilaatigut anguniagarai illoqarfik tassaassasoq meeqqanut ilaqutariinnullu inuuffigiuminartoq, aamma misilittakkat tunngavigalugit sumiiffinnut allanut siaruarterinissaq, aamma nunanut allanut.
Suliniutit amerlasuut ingerlanneqarsimasut ilagaat asimi aasaanerani pilinermik ilinniartitsineq, ilaqutariinnik inerisaanermut pikkorissaanerit, anaananngujaartunut ikorfartoqatigiinnik pilersitsineq, taavalu kulturikkut suliniutit assigiinngitsut, soorlu tusarnaartitsinerit allallu.
- Inuusuttut salliutillugit 2010-mi suliniuteqarfigineqassapput, Paamiut inusuttuuffigalugu nuannerneroqqullugu. Inuusuttut siunnersuisoqatigiivinik pilersitsisoqarpoq, taakkulu ikumatitalisarlutik decembarip 21-anni ingerlaaqatigiissapput.
Meeqqat pillugit ukioq kingulleq isumaqatigiissut ingerlateqqinniarlugu, isumaqatigiissutaavorlu meeqqat kinguaassiuutitigut, timikkut tarnikkullu naalliutsinneqannginnissaanik peqatigiilluni suleqatigiinnissaq, Kommuneqarfik Sermersuumi, Tungiuinermut ingerlatsivimmi pisortaq, Aaja Chemnitz Larsen, aqutsisoqatigiinnut aamma siulittaasuusoq oqarpoq.
