Paamiuni ikuallattoqarmat inissiat arlallit atorsinnaajunnaarput
Paamiut Kommuneata paasissutissiisartua Søren Lyberth ima tusagassiivoq:
- Nalunaaqutaq pingasut qeqqalivissoq pujoq qernertorsuaq nuillarmat assiliiviga tigoriarlugu tappikunnarama sunaffa blok R-202-mi ikuallattoqartoq. Inuit marluk napparsimmavimmukaappaat immaqa putsumik iisisimallutik misissortikkiartoraat.
- Tupinnarnermik naaralaarnermik taavalu inimi qullermiittut pinngitsooratik ineqarfigineqarsinnaajunnaarsimassapput. Kommunimut ungasinngitsukkut aqqusaarama madrasinik piareersaasimasut inissiiffiugallartussamik pissarsiorlutik piareersaarujoortut aamma naammattoorpakka, Søren Lyberth oqarpoq.
Paamiuni poliit pisortaat Christer Nielsen ilisimatitsivoq, inuit marluk putsumik najuussuisimasut napparsimmaviliaattariaqarsimasut maannalu ajunngitsut. Inuit taakku marluk inissiami inimi ikuallattumiissimanngillat eqqaamiuusimallutilli.
