Paamiuni assagiarsulerngusaattoqarpoq

Paamiuni Royal Greenlandip saattuanik nioqqutissiulernerani unammillerneq sakkortungaarmat Tunitsivik aamma saattuanik tunisassiortoq ipitinneqariaanaasoq, Tunitsivimmi siulersuisut siulittaasuat Kunnak Lorentzen oqarpoq.

Royal Greenland ukiuunerani kiilumut 18 koruuneqartitsivoq, Tunitsivik akikinnerulluni kiilumut 12 koruuneqartitsisoq.

- Tamanna naatsorsuutitsinnut equsoortitsivoq, Kunnak Lorentzen oqarpoq.

Paamiunilu Royal Greenlandip suliffissuani pisortaq Gorm Diernese akinik qaffaasimanerminnut nassuiaatissaanerarpaa ukiuunerani saattuanik aalisarneq ajornakusoornerulertaqimmat ukiuunerani aalisartut tulaasuiuarnissaat siunertarineqartoq.

Massakkullu akigititanik qaffaaneq decemberip naanissaata tungaanut ingerlasussaanerarpaa, tamatuma kingorna nalilerneqassaluni qanoq ingerlariaqqittoqassanersoq.

Tunitsivik A/S-imili kiilumut akinik qaffaanissaq periarfissaqarfigineqanngitsoq oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat