Paamiuni angut ikuallatsitsisimasutut pasisaavoq
Paamiuni ippassaq ikuallattoqarneranut atatillugu angut sapaatip-akunnerini sisamani tigummigallagassanngortitaavoq.
Allattoq Najaaraq Egede
Angut inuusuttoq 1962-imi inuusoq ikuallatsitsisimasutut pasillugu isertitsisarfimmi ukiortaarsiortussanngorpoq, ullumimi Paamiuni eqqartuussisunut sassartinneqarami januaarip 27-iata tungaanut tigummigallagassanngortinneqarpoq, taama Paamiuni politeeqarfiup pisortaa Christer Nielsen ilisimatitsivoq.
Paamiuni blok R-imi inissiat ilaat ippassaq nunguilluni ikuallammat quleriinni pingasuusuni inissiat qulingiluat putsumit imermillu ajoquserneqarnermikkut atorsinnaajunnaarput ilaqutariillu arfineq-pingasut allani inissarsiuunneqartariaqarsimallutik.