- Suliaq suli misissuiffigaarput, misissuineq piareerpat eqqartuussivimmut sassartinneqassaaq, pigaartut pisortaat oqarpoq.Assi: KNR

Paamiuni aallaasertortoqareersoq: Angut ulluni 25-ni tigummigallagassanngortinneqartoq

Kalaallit Nunaanni Politiit angut Paamiuni arfininngornermi unnukkut aallaammik seqqoqattaartoq tigummigallarpaat. Taanna pineqaatissinneqarsimasunut inissiisarfimmi inissaqalernissami tungaanut politiinit tigummineqarallassaaq.

- Sulisunut kiffartuussisunut sioorasaarisimanini quillu ilaannut seqqortaarsimanini pissutigalugu assigiinngitsunut aserorterisimanini pissutigalugu unnerluutigineqarpoq. Paamiuni suleqatitta ilaannut umersimavoq.

Kalaallit Nunaanni Politiit pigaartuisa pisortaat, Mads Lynge oqarpoq.

Tigummigallagassanngortinneqartoq suli Paamiuniippoq politiiniillu paarineqarluni.

- Suliaq suli misissuiffigaarput, misissuineq piareerpat eqqartuussivimmut sassartinneqassaaq, pigaartut pisortaat oqarpoq.

Arfininngornermi unnukkut aallaasertoqarmat Paamiuni politiinit politiit marluk suliamik misissuiartortippaat, tassanilu angut aalakoorpasittoq attaveqarfigalugu.

Politiinut aarlerinartumi pissusilersuuteqarnera pissutigalugu sumiiffik assersorneqarpoq.

Taakkulu tamatuma kingorna Nuummit ikiortissarsiorput.

- Pinerluuteqartumik ulorianartorsiortitsisoqaraangat soorlu taassuma seqqoqattaarlunilu inunnut aallaanninnissaminik ersersitsinerani taava politiit marluk pisumut taamaattumut annikippallaartarput. Aamma ilinniarsimasunik isumagineqarnissaa pisariaqartarpoq, taakkulu Nuummiipput.

Inuinnaat politiit piumasaqaataannik malinninngitsut: Ulorianarpallaarpoq

Politiit pinasuartumik orniguttartui arfinillit Nuummiit Paamiuliartinneqarput. Politiit taakku pinerluuteqartunik ulorianaateqartunik aallaasilisartunik tigusarinninnissaminnut immikkut ilinniarsimasuupput.

Nuummiilli pinasuartumik orniguttartut tigusarinnissartik angumerinngilaat.

Inuinnaat eqimattat politiit peqqussutaat malinnagu angummut quimiittumut ornigupput. Tassanilu angut inuinnarnit tigusarineqarpoq. Politiillu tamatuma kingorna sapaammi nalunaaqutaq 00.28-nngortoq tigusarinnillutik.

Inuinnaat tigusarinnittannginnissaat politiit sakkortuumit inassutigaat. Pisorlu aqunneqarsinnaasimasoq, pigaartut pisortaata oqaatigaa.

- Politiit taakku marluk sumiiffimmiittut nakkutiginnillutik pisumi nikittussaajunnaarsitsinissaq suliassaraat. Tassa imaappoq angut sumiiffimminiiginnarluni seqqoqqinngippat pisoq taamaatsiinnarusupparput, taamaalillunilu inuit eqqortumik misilittagaqartut ornigullutik tigusarinnittussanngussapput.

- Tassanilu pinerluuteqartumut namminermut, politiinut minnerunngitsumillu inuinnarnut minnerpaamik ulorianartoqassalluni.

Ikiortissat utaqqinissaat pitsaanerpaasoq

Inuit pinerluuteqartumut qanillinnginnissaat tusaaniarneqanngimmat politiit tamanna uggoraat.

- Inuit politiinut tusarnaarusunnagik ingerlaniartut ingerlatinnaveersaarnissaannut isumalluutit ajoraluartumik naammanngillat, Mads Lynge oqarpoq.

- Taamaakkaluartorli politiit tassaniittut pinasuartumik navianartorsiortitsisoqalissagaluarput iliuuseqarsinnaannginnerannik tamanna isumaqangilaq. Pisup nakkutigineqarsinnaanerani ikiuukkiartortussat utaqqillugit inunnit eqqortunit tigusarinnittoqarnissaa pitsaanerpaassaaq.

Allami pisoqarnerani Paamiuni innuttaasunut eqqartoqarsimagaluaruni politiit taakku marluk unitsisinnaasimassagaluarput.

- Ingerlalluni qanittuminiittunut seqqortaarsimagaluaruni innuttaasullu navianartorsiortillugit taama pisoq allaanerussagaluarpoq. Taava arlaatigut iliornikkut eqqissisartussaassagaluarparput, Mads Lynge oqarpoq.

- Paamiuni politiini taamaaliorsinnaavugut, kisianni pinerluuteqartumut aammali politiinut allanullu ulorianannginnerpaasumik aaqqiissuteqarusunneruvugut. Imaassinnaavoq piffissaq atorneqartoq sivisunerusoq, kisianni ajoqusertoqannginnissaa pisinnaagutsigu taamaaliorusunnerussaagut.

Angut Paamiuni politiinit suli paarineqarpoq, tassangali pinerluuteqarsimasunut inissiisarfimmut inissaqartitsisumut nuutsinneqangajalerluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat