P-pille Savalimmiuni naartuersittarnermut pinaveersaarutaalluartoq

Savalimmiormiut Danskillu arnartaat nunat avannarliit allat arnartaannut naleqqiullutik naartuiisartumik iisartagartunnginnersaapput, nunani avannarlerni peqqinnissaq pillugu ukiumoortumik nalunaarusiaq taama saqqummiussaqarpoq.

Savalimmiuni Danmarkimilu arnat, nunat avannarliit allat arnartaannut naleqqiullutik naartunaveersaatinik P-pillenik atuinerusut nalunaarusiami saqqummiunneqarpoq.

Savalimmiuni Danmarkimilu P-pillenik atorluaaneq pissutigalugu nunani taakkunani naartuersittartut nunatsinnut naleqqiullutik ikinneralaarsuupput.

Savalimmiormiut arnartaasa naartuersittarnerat agguaqatigiissillugu naatsorsoraanni, arnaq ataaseq inuunermini 0,2-riarluni naartuersittarpoq.

Nunatsinni arnat naartuersittartut agguaqatigiissillugit naatsorsoraanni, arnaq ataaseq inuunermini marluk qaangerlugit, tassa 2,4-riarluni naartuersittarpoq.

Nunatsinni iisartakkap naartuiisartup atugaanerulernissaa maanna oqillisigineqarpoq, nunalli avannarliit peqqinnissamut nalunaarusiaat naapertorlugu, iisartakkat naartunaveersaatit P-pillet naartuersittarnermut pinaveersaartitsinermi iluaqutaanerpaatut nalilerneqarput.