Pærit nukimmik atuivallaanngitsut Nunavumi atorneqarniarput

Mingutsaaliuineq Nunavumi annertusarniarneqarpoq, Canadamilu oqartussaasut 25 millioni koruunit missaannik aningaasaliiniarput.

Canadap avatangiisinut ministeria, John Baird, Nunavumilu naalakkersuisut siulittaasuat Paul Okalik, tamanna pillugu ippassaq atsioqatigiipput.

Canada ecoTrust aqqutigalugu mingutsaaliuisoqarniarpoq. Canada ecoTrust tassaavoq Canadami oqartussaasut avatangiisinik illersuinissaq pillugu qullersaqarfiat.

Gassit silaannarmik kissatsikkiartortitsisartut annikillisarneqarnissaat ecoTrustip suliassaasa pingaarnersaraat, silaannaallu mingutsinneqarpallaannginnissaa aamma suliniutigisussaallugu.

- Issittoq silaannaap allanngoriartorneranut sunnertiasorujussuuvoq, naggueqatigiillu Inuit inooriaasiat eqqorneqarnerlussinnaalluni. Mingutsaaliuinissamullu tapertatut pærit nukimmik atuivallaanngitsut atoqqusaajunnaarsereerpavut, Nunavumi naalakkersuisut siulittaasuat, Paul Okalik, oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat