Sikuiuitsup kujalliup qulaani ozonip putua aatsaat taamak annertutigilersimavoq. Ozonip putua 29 millioner kvadratkilometerisut annertutigilersimasoq FN-imi silap pissusianik misissuisartut nalunaarput.
Ozonip putua pisarnermit kingusinnerusumik alliartoqqilersimavoq, alliartoqqileriaramilu assut sukkasuumik alliartulersimasoq, FN-ip silap pissusiinik misissuisartuisa ittuat Geir Braathen oqarpoq.
- Nunarsuarmi kemikaliamik atuineq ozonimut putuliortitsisoq annikillisimagaluarpoq, silaannarsuarmili suli klorerujussuit brommillu mingutitsisorujussuupput taamaattumillu ukiuni aggersuni ozoni suli amiliartussaaq, misissuit ittuat oqarpoq.
Ozoni seqerngup qinngornerinut navianartunut illersuisuuvoq. Ozoni 1980-kkunni navianartorsiortitsivallaanngilaq, taamanikkullu iluserisimasani aatsaat ukioq 2049-mi ateqqissagaa oqaatigineqarpoq.
Sikuiuitsup kujalliup qulaani ilusissavini aatsaat 2065-mi atissgaa oqaatigineqarpoq.