Ove Karl aamma Jess G. saammaateqqagallarput
Piffissami kingullermi Ove Karl Berthelsen aamma Jess G. Berthelsen imminnut pisuuteqattaapput. Isumaqatigiissinnaasimanngillat tamakkuli pillugit nipangersimagallassamaalerput.
Allattoq Noah Mølgaard
novembarip 22-at 2012 06:35
Naalakkersuisunit Ove Karl Berthelsenip aamma SIK-mi siulittaasup Jess G. Berthelsenip ullumikkut suliniutinut angisuunut inatsisissaq pillugu ataatsimeeqatigiinneranni akunnerminni oqaluuserisaminnik sammisanut tunngasunik tamanut oqaaseqassanngikkallarnissaminnik isumaqatigiissuteqarput.
- Maannakkut piffissami takkuttussami suliamik tamatuminnga taamaallaat aallussinissamik pisariaqar-titsisumik ilorraap tungaanut kinguneqartitassamillu oqaloqatigiilernissamut kiisami alloriarsimavugut. Isumaqatigiissutissamik imaluunniit tamanut atorsinnaasatut akuersaarnartissinnaasatsinnik angusa-qarniariarutta tamanna kikkunnut tamanut nalunaarutiginissaa neriorsuutigissavarput, marluullutik oqariartuuteqarput.
