Ostermann arlaannaatigulluunniit akissarsianik pissarsiaqarniarani nalunaarpoq
Aalisarnermut naalakkersuisutut tunuartumut Karl Lyberthimut immikkut siunnersortitut aalassassutaaqisumik sivikitsuinnarmillu atorfeqareerluni, Tom Ostermannip akissarsiassami tunuarnerminilu ajunngitsorsiassami oqallissutaaneri naggaserpai.
Allattoq Peter Troelsen, Simon Uldum
Immikkut siunnersortit atorfillit pillugit inatsit malillugu atorfinitsinneqartussaammata Tom Ostermann, naak ulluni marluinnarni sulisimagaluarluni, marsip aallaqqaataata tungaanut akissarsiaqartinneqartussaagaluarpoq. Akissarsiassanili taakku Tom Ostermannip perusunnagit maanna nalunaarpoq, taamaammat Ostermann atorfinitsitaaneralu pillugit oqallinneq tamaanga killeqarpasippoq.