Oscar 80-issaanik agguaanneqarpoq
Filmiliornermi nersornaasiuttakkat Oscarit Hollywoodimi ippassaq tunniunneqarput.
Allattoq Louise M. Kleemann
Qatanngutigiit Joel aamma Ethan Coenikkut filmiliaat “No Country for Old Men” sisamanik Oscarinnatsinneqarpoq.
Filmit pitsaanersaattut ”No Country for Old Men” nersornaaserneqarpoq, soorluttaaq pitsaanerpaamik manuskriptilittut nersornaaserneqartoq.
Qatanngutigiit Ethan aamma Joel Coen ilitsersuisut pikkorinnersaattut nersornaaserneqarput, filmimilu inuttaasut ilaat, Spaniamiu Javier Bardem, aamma nersornaaserneqarluni.
Filmi ”No Country for Old Men” ajugaasutut nalilerneqarsinnaavoq. Oscarinik nersornaasiineq ukiormanna 80-issaa tunniunneqarpoq.