Osama bin Ladenip ikiortaa eqqartuunneqalerpoq
Sorsunnermi pinerluuteqarsimasutut Guantanamomi eqqartuussineq siulleq ippassaq aallartinneqarpoq, Osama bin Ladenip biilinik aqutsisua Salim Hamdan eqqartuunneqalerami.
Allattoq Mads Lynge
Sali Hamdan Yemenimeersuuvoq, pinngitsuunerarlunilu. USA Cubami Guantanamomi parnaarussiveqarpoq, parnaarussallu ilaat eqqartuussisutigoortumik siullerpaamik eqqartuunneqalerluni.
Salim Hamdan Afghanistanimi 2001-imi tigusarineqarpoq, raketinik igeriuttakkanik usilluni biilertoq tigusarineqarami.
Salim Hamdani eqqartuussinermi pisuutinneqassaguni inuunermi sinnerani parnaarussassanngortinneqarsinnaavoq.