Osama bin Ladenip biiliussisartuata parnaarussaanera sivitsorpoq
Osama bin Ladenip biiliussisartua, Salim Hamdan, qunutitsillutik saassussisaqattaartartunik tapersersuisimasutut ukiut arfinillit avillugit parnaarussassanngortinneqarpoq. Unnerluussisup piumasarigaluarpaa ukiut ikinnerpaamik 30-t parnaarunneqassasoq.
aggustip 08-at 2008 07:09
Salim Hamdan USA-mi Guantanamomi sakkutuut eqqartuussivianni siullerpaalluni eqqartuussaasuuvoq.
Hamdan Guantanamomi parnaarussivimmi sivisuumik isersimareerpoq, aniguisitaanissaminullu qaammatit tallimat amigaatigai.
Hamdan USA-mi 2001-imi saassussisoqarmat qaammatit marluk qaangiuttullu Afghanistanimi novembarimi tigusarineqarpoq, saassussinermi tassani inuit 3.000-ingajalluinnaat ajunaarput.
-Inuit eqqugaasut iliuutsinnit eqqorneqarsimappata nammineerlunga utoqqatserfigerusuppakka, eqqartuussutip inernera tusanngitsiarlugu Hamdan oqarpoq.
