Qaammatsip ataatsip matuma siorna Osama Bin Laden toqusimasoq franskit aviisiata L´Est Republicainip allaaserisimagaa aviisimi Politikkenimi allaaserineqarpoq.
Tamannali franskit Pakistanimiut Amerika-miullu oqartussaasuinit arlaannaannilluunniit uppernarsineqarsinnaanngilaq. Taamalu Saudi arabiami oqartussaasut, tassa Osama Bin Ladenip nunaqqatai oqaaseqartinneqarsinnaasimanatik.
Franskilli aviisiat allaaserinnippoq, tamanna saudi arabiami naalakkersuisunit uppernarsineqarsimasoq al-Qaedakkut siuttuat Osama Bin Laden qaammatip ataatsip matuma siorna toqusimanera pillugu. Aviisimilu erseqqissarneqarpoq, septemberip 21-iani nalunaarusiaq naapertorlugu taama allaaserisaqarlutik.
- Saudi arabiamiut nalunaarusiaanni allassimanerarneqarpoq, Osama Bin Laden aggustip 23-iani nappaammik Tyfusimik nappaalalersimasoq, taamalu ilumiui sulisinnaajunnaarsimasut.
Talebanerilli oqaaseqartittagaat Mullah Obaidullah tamatuminnga akerliliisimasoq oqaatigineqarpoq.
- Osama Bin Ladenip toqusimaneranik Talebanerit ilisimatinneqanngilluinnarput. Tamanna islamit illernartumik sorsuttartuinut uukapaatitsiniarneruvoq, taama Mullah Obaidullah oqarsimanerarpaat.