Orsussaq akitsorpoq

Orsussap akia 1,10 krone-mik Polaroil-ip akitsorpaa. Tamanna sisamanngornermi unnukkut nalunaarutigineqarmat orsertarfiup eqqaani biilit siuleriiaartorpassuupput.
Allattoq Noah Mølgaard
juulip 07-at 2011 21:06

Benzina juulip arfineq pingajuaniit 4,47 krone-miit 5,57 krone-mut akitsorpoq. Taamatuttaaq akitsorput diesel, petroleum aamma timmisartut orsussaat.

Polaroil nalunaarpoq akitsuineq pisoq nunarsuarmi akit allanngornerat pissutigalugu.

- Nunarsuarmi ikummatissat imerpalasut akiisa qaffakkaluttuinnarnerat pissutigalugu KNI A/S - Polaroil 8. Juli 2011 aallarnerfigalugu akit literimut 1,10 kr.-nik qaf-fattariaqalerpai, Polaroil-mi pisortaq Peter Grønvold Samuelsen taama nalunaarpoq akit qaffannissaannut nalunaaquttap akunneri marluujunnaartut.

Nunarsuarmi akit qaffakkiartoraluartut nunatsinni atuisut akit qaffakkiartornerat maannamut malugerpiarsimanngikkaluarpaat.

- KNI – Polaroil-ip akinik qaffatsaaliuisinnaasimaneranut pissutaavoq piffissami aalajanger-simasumi uuliap akuiarneqanngitsup akia, akuiarneqarneranut akia aammalu aningaasap naliga paarnaarlugit isumaqatigiissutigineqarsimanerat, Peter Grønvold Samuelsen nalunaarpoq.

Akit qaffakkaluttualernerannik tusakkat siammalertorput sisamanngornermilu unnukkut biilit orsertarfiini siuleriiaartoqarpoq taamatuttaarlu angallataatillit sapaatip akunnerata naanerani angalaanngilaattaa angallatitik orserasuapallappaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq