Assi: Flickr.com / Mutualité Française

Orsussamik akitsuusersuinissaq Macronip taamaatiinnaraa

Frankrigimi ukiuni kingullermi amerlasuuni aatsaat taama sakkortutigisumik akerliussutsimik takutitsoqareersorlu, ikummatissanut akitsuutinik nutaanik eqqussiniarnertik, Frankrigimi naalakkersuisut aappaagumut aningaasanut inatsisissami ilaatinnianngilaat.

Frankrigip ministeriunerunera Edouard Philippe taama oqarpoq:

- Naalakkersuisut oqaloqatiginninnissamut piareeqqapput, akileraarutillu aappaagumut aningaasanut 2019-imut inatsisissami ilaatinneqannginnerisigut tamanna takutillugu, Philippe, Frankrigimi inatsisartuni pingasungornermi unnukkut oqarpoq.

Akitsuutit eqqunneqarnissaat aappaagu januaarip aallaqqaataanit atuutilersinnagit qaammatinik arfinilinnik kinguartineqarnisssaat, Philippep marlunngormat oqaatigigaluarpaa. Pilersaarutilli taakku Frankrigimi naalakkersuisut maanna tassa taamaatiinnarpaat.

Benzinap, uuliap, dieselip innaallagiallu akitsorneqarnissaannut pilersaarutit pissutaallutik Frankrigip ilarujussuani akerliussutsimik takutitsisoqarpoq.

Naalakkersuisulli pilersaarutinik taamaatitsiinnarniarnerat, Frankrigimi innuttaasut akornanni kamattoqarneranik annikillisitsinaviarunanngilaq. Akerliussutsimimmi sapaatip-akunnerini kingullerni pingasuni takutitsisut De Gule Vestet oqaaseqartitaattut imminut suaarutiginnittoq ima oqarpoq:

- Pilersaarutit taakku kingusippallaartukkut takkupput, Jacline Mouraud, nutaarsiassaqartitsivimmut AP-mut oqarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat