Orsueruttut: Aalisartut aalisartoqatiminnut ikiuinerannut politiit nersualaarinnittut

Aalisariut angivallaanngitsoq Nuup kujataani ataasinngornerup ullaassaani orsuerummat aalisariummit allamit Nuummut kalinneqartariaqarsimavoq.

Aalisariut sisamanik inuttaqartoq Nuup kujataatungaani ataasinngornerup ullaassaani orsueruppoq.

-  Taama pisoqarneranik ataasinngornerup ullaassaani unnuakkut ataasinngulersoq nalunaarfigineqarpugut, Brian Thomsen, Nuummi Politiini pigaartut pisortaat aamma politikommissæri, taama oqarpoq.

Nalunaarutiginnittoqareermat Nuummi Politiit angallatinut allanut Pan Pan-imik kalerrisaaripput, taamaalilluni angalasunit allanit ikiugassaqartoqartoq paasineqarniassammat.

Tamatumalu kingorna aalisariutip allap aalisariut orsueruttoq ikioriartorpaa kalilerlugulu, saniatigullu umiarsuaq alapernaarsuut Ejnar Mikkelsen ikiuartortinneqarluni ornigutsinneqarpoq.

Aalisariutilli taakkua marluk namminneerlutik Nuummut ingerlaarsinnaasimapput, Ejnar Mikkelsen tunuanni malinnaasoq.

- Inuit inoqatiminik navianartorsiulersinnaanerat eqqarsaatigalugu akisussaaffimmik tigusillutik ikiuussinnaasarnerat qujanartarpoq, Brian Thomsen, Nuummi Politiini pigaartut pisortaat aamma politikommissæri, taama oqarpoq.

Aalisariutit taakkua marluk Nuummut ataasinngornermi ullaakkut apuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat