Orsiviit Nunatta Katersugaasiviata silataani saqqummersinneqassapput

Nunatta Katersugaasivia Allagaateqarfialu aggustip 20-anni tamanut ammatinneqassaaq, aanaveersaasarnerlu pillugu suliniut Orsivik - Trankogeri tassani saqqummiunneqassaaq.
Allattoq Mads Lynge
aggustip 13-at 2011 17:16

Orsunik siatsiviit Nunatsinneersut assigiinngitsut, ilaatigut Ilulissaneersut Qasigiannguaneersullu katersugaasiviup eqqaanut iliorarneqarsimapput. Nunatsinni illoqarfinni arlalinni Orsiviit umiarsualivinni takussaajuaannartut, ullutsinni takussaajunnaarluinnarsimapput.

Atortut takutinneqartut KGH-p pigisimasai 1970-ikkunni pissarsiarineqarsimapput.

Atortut sorsunnersuup aappaata aallaartinnissaata tungaanut atorneqartarsimapput. Sorsunnersuup nalaani orsuminngaanniit aammaarluni uulianngortitsisoqartalerpoq, kisiannili siatsisarneq sorsunnersuup 1945-mi taamaatinnerata kinguninngua taamaatinneqarluni.

Orsuminngaanniit iginnermik pissarsisarneq inuiaqatigiinnut kalaallinut tamarmiusunut pingaaruteqarsimaqaaq, ilaqutariippassuarnullu aningaasanik isertitsissutitut pingaaruteqarluinnarsimalluni. KGH-miit orsoq puisineersoq, qilalukkaneersoq, aarrineersoq minnerunngitsumillu arfernit soqqalinneersoq pisiarineqartarpoq.

Aanaveersaasarneq pillugu suliniutip siunertaraa, orsunik siatsiviit aanaveersaasarnermilu periaatsit assigiinngitsut atorneqartarnerisa, atortorisanik sivisunerusumik piusinnaanngortitsisartut uppernarsarneqarnissaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq