Orsiivik aserorteriffigineqartoq
Angut 20-nik ukiulik orsiivimmi aserorterisimasutut 50.000 koruunit missaannik akiligassinneqartussanngussaaq.
Allattoq Louise M. Kleemann
septembarip 12-at 2011 09:01
Paamiuni orsiivimmi sulisut arfininngornermi ullaakkut suiliartoramik takusaat avaanngunarsimaqaaq. Orsiiviup illutaani igalaat tamarmik aserorneqarsimapput, biilit orsussamik attartuutit igalaavi tamangajammik aserorneqarsimapput aamma benzinamik dieselimillu maqitsisarfiit atorsinnaajunnaarlugit aserorterneqarsimallutik.
Paamiuni politiit naapertorlugit aserorterisoq tassaavoq angut 20-nik ukiulik. Angutip unnuap ingerlanerani susimanini oqaluttuarisinnaasimanngilaa, imersimanermi kingorna eqqaamasaqarsimannginnami.
Aserorterinermut suna peqqutaanersoq politiit suli paasinngilaat. Angut inuusuttoq orsiivimmi suliffeqarsimanngilaq tassanilu sulisunik aamma saqitsaassaqarani.
