Ikuallannerup kinguneranik inuk ataaseq ajunaarpoq allalu aamma maqaasineqarluni, illut 60-t naasorissaasoqarfiillu arlallit, nersutaatit savat assigisaallu ikuallagussaapput.
Inuit 2000-iniit amerlanerusut ikuallannermik qamitsiniaaqataasut oqaatigineqarpoq, ikuallannerlu ullut sisamassaa atasuinnarmik manna tikillugu ikuallappoq.
Oqaatigineqarpoq inneq nunap ilarujussuanut siaruarsimaqisoq orpippassuaqarferujussuillu 4000-t ikuallassimasut.
Nunami tassani guvernøriusup oqaatigaa ukiut kingulliit ingerlaneranni aatsaat taama sakkortutigisumik taavani orpippassuit ikuallattut.