Orpippassuit eqimasut amerliartuinnavipput
Nunarsuatsinni orpippassuit eqimasut ukiut 15-it kingulliit ingerlanerini amerliartuinnavissimapput.
Orpinnik ikkusseqqittarneq nunarpassuarni atugaaleraluttuinnartoq, amerikamiut misissuinerminni takutippaat.
USA-mi Kinamilu orpinnik ikkusseqqittarneq atugaaleraluttuinnartoq aamma oqaatigineqarpoq, akerlianillu Brasiliami Indonesiamilu pisoqartoq uparuartorneqarluni.
Orpinnik ikkusseqqittarnerit ullumikkutut ingerlaannassappata ukioq 2050-imi orpippassuit annertussusaat 10 procentinik annertuseriarsimassapput, tassa 300 millioni hektarinik annertuseriarsimanissaat ilimagineqarmat.
New Yorkimi Rockefellerip Universitetiani ilisimatuup tamanna ilimagaa.
Orpiit CO2-mik iioraasarmata nunarsuatta silaannaanut pingaaruteqartorujussuupput.