Qatserisartut illut ikuallattut ullaarnganiilli qamisalerpaat.Assi: Mario Tama/AFP/Ritzau Scanpix

Orpippassuarni ikuallattoqarnerani inuppassuit qimagussorneqartut

Californiami pinngortitami ikullallattoqarnera pissutigalugu inuit 100.000-it qimagussorneqarput, sumiiffinnilu arlalinni innaallagiaqarani.

Californiap kujataatungani orpippassuarni ikuallanneq unnuap ingerlaneriinnaani sakkortuseqqippoq.

Angerlarsimaffiit amerlaqisut ikuallapput, politiillu piumasaqaataasumik qimagussuillutik. Qimagussuinermi angerlarsimaffiit 13.000-gajaat eqqorneqarput.

Los Angelesimi qatserisartut taama nalunaaruteqartut, DR.DK taama allaaserisaqarpoq. 

- Ikuallanneq siaruaatilertorpoq, taamaattumik qimagunnissamut nangaasoqassanngilaq, qatserisartut pisortaat, Ralph Terrazas tusagassiortunik katersuutitsinermi taama oqarpoq.

Los Angelesimi politiit naapertorlugit inuit 100.000-it qimagussorneqartussaapput.

Qimagussuinerlu aallartimmat angerlarsimaffiit 1.900-t eqqorneqassasut nalunaarutigineqarpoq. Tamatuma saniatigut inunnut uumasunullu qimagussorneqarsimasunut katersuuffissanik pilersitsisoqarpoq, qimagussuisarfiullu aappaa ulikkaareerpoq inunnillu allanik tiguseqqissinnaanani. 

Qatserisartut 1.000-it ikuallaffiusumiitinneqartut pisortat nalunaarutigaat. 

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat