Orpippassuaqarfiit nungukkiartorput
Nunalu taanna nunatsinnut assersuutissagutsigu Qeqertarsuup annertussusaaniit angineruvoq.Oqaatigineqarporlu ukiup ataatsip ingerlanerinnaani ajornartorsiut tamanna 69 procentimik qaffassimasoq naak orpippassuit piujuaannarnissaat aqunneqartutut oqaatiginiarneqartaraluartoq.
Inuussutissat akitsoriartupiloorneri pissutaallutik kiattup orpippassuaqarfii ikuallanneqartaleraluttuinnarput.
Tassami Amerikamiut naasorissaasuisa nanisiaraat sojanik nerukkaatissiornissaminnut taarsiullugu majsit atorlugit ikummatissiortarlutik, taamaalillutik aningaasannanneruniassagamik.
Taamaattumillu nunarsuarmi sojat nioqqutaanerat amigaataaleriartorput, sojallu taakku brasiliamiut orpippassuaqarfiini naatinneqartaraluarput.
Tamanna pillugu danskit silap avatangiisillu pissusai pillugit naalakkersuisuat Connie Hedegaard aalleqquteqalerpoq. Taanna ilaatigut oqarpoq taavani qullersat kukkusumik aqutsilersut.
Orpiit taama uppikaatinneqartarnerat orpippassuaqarfiup sanngiillisup ajunaarnersuatut taaniarneqarpoq.
Naatitsivissuit mingutitsinerat ingammik Brasiliami Indonisiamilu mingutitsisoqarnera nunarsuup sinnerata mingutsinneqarnerata 20 procenteraa.
Connie Hedegaard maanna Brasilialiarluni aallarpoq, Brasiliap naalakkersuisuinut ajornartorsiut
tamanna apeqquteqaatigiartorniarlugu.
Taamatuttaaq Indonisiami Malaysiamilu orpippassuaqarfiit nungukkiartupiloorput, nunanilu taakkunani palmeolialiortoqartarpoq, nunalli taakku marluk arlaannaataluunniit kiattup orpipassuaqarfii ukiumut qanoq annertutigisumik nungukkiartupiloortarnersut aqunngilaat.
