Ornigunnerit million koruunip nalinginut

Ikuallattoqarneranut kalerrisaarisut ornigunnerit katillugit Nuummi siorna 197-iusimapput, taakkunannga ornigunnerit 107-it ikuallattuusimanngillat. Ikuallattuunngitsumut ornigunnerit katillugit millionet koruunink akeqarput, taakkulu innuttaasunit akilerneqartussaapput.
Allattoq Per Andersen
novembarip 14-at 2011 12:17

Nuummi ikuallattoqalerneranut kalerrisaarut appikkaagat qatserisartunit 36-sunit 15-it sukkanerpaamik ornigutsinneqartarput. Siornalu kalerrisaarisumut ornigunnerit katillugit 197-iupput, taakkunanngalu katillugit 107-t ”salloqittaanerupput” imaluunniit ABA-p nilliasaataanik taaneqartartumit pisuullutik.

ABA-mik kalerrissaarutit tassaapput ikuallattoqalersillugu  pujuliortoqartilluguluunniit nammineq kalerrisaarisartut. Siorna qatserisarfimmut ABA-mit kalerrisaarinerit katillugit 107-put. ABA-miillu kalerriineq ataaseq Nuummi 10.000 koruunit missaanik naleqarpoq.

- Maani Nuummi ABA-mik attavilinnik 50-t missaannik peqarpugut, taakkulu suliffeqarfinni inoqarfiusartuni inissisimakkajunnerusarput, ajoraluartumillu ABA-mik taasakkavut ataqqineqarneq ajorput, Mike Høegh Nuummi qatserisarfimmi pisortap tullia knr.gl-mut oqarpoq.

Ilaatigullu allaat iffiaq qaqortumut risterutip, imaluunniit vinkelsliperutit pujua ABA-mik kalerrisaarummik aallartitsisarput.

 

   

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq