Ulussaarsuaq Dorian USA-p sineriaani sakkortuseqqittoq
![](/sites/default/files/styles/image_934x467/public/article_images/20190905-072618-l-1920x1280we.jpg?itok=M_3aNwso)
USA-mi nuna tamakkerlugu ulussaarsuarnik misissuisoqarfik NHC taama ilimasaaruteqarpoq, nutaarsiassaqartitsivik Reuters taama allaaserisaqarpoq.
Bahamasimi sapaatit akunnerata naannerani sakkortunerpaamik ulussaarsuaqarnerani inuit ikinnerpaamik 20-t ajunaarput.
Ulussaarsuup illuariartornerani Naalagaaffinni tallimani innuttaasut 2,2 milliuunit qimagussorneqarnissaat pisortanit maanna piumasarineqarpoq.
Inuit ajunaarsimasut amerlanerunissaat pisortanit ilimagineqarpoq - ulussaarsuarmik eqqugaasimasut ilaatigut qarsutsiffiusut annaassiniartartunit suli tikinneqarsinnaasimanngimmata.
AAMMA ATUARUK Ulussaarsuaq Dorian: Inuttaasut millionit qimagussortinneqartut
Ulussaarsuup South Carolinami Charlestonip kujataatungaa unnuaq aqqusaaraa, NHC ilisimatitsivoq.
Ulussaarsuup Bahamasimit avannamut USA-p kangiatungaanut illuariartornerani imaq kissartoq aqqusaarpaa, tamatumalu malitsigisaanik ulussaarsuaq sakkortuseqqilluni.
Ulussaarsuup sinerissap qanittuanut illuariartulinnginnerani naalagaaffinni, Floridami, North Carolinami, South Carolinami Georgiamilu innuttaasut 2,2 milliuunit qimagussorneqarnissaat piumasarineqarpoq, DR allaaserisaqarpoq.