Organistit nutaat allagartartaarput

Organistitut ilinniarlutik naammassisut pingasut illoqarfigisaminnut maanna angerlarput. Taakku tassaapput ilagiit pillugit inatsit malillugu ilinniartinneqartut siulliit.
Allattoq Noah Mølgaard
novembarip 27-at 2012 04:47

Ilagiinnut inatsit august 2010-mi atulersoq Namminersorlutik Oqartussanut aamma ilagiit qullersaannut pisussaaffiliivoq organistinik ilinniartitsinerit ingerlaavartuunissaannik.

Arnakitsoq Peary Kullorsuarmiit, Johanne Berthelsen Sisimiuniik aamma Jens-Martin Karlsen Upernavimmiik ilagiit pillugit inatsisip atulernerata kingorna organistinngortuni siullersaallutik ilinniarsimanermut uppernarsaatit tallimanngormat tiguaat. Taakku ukiut marluk ingerlaneranni ilinniarnertik ingerlarsimavaat.

- Organistinngortut ilagiinnut inatsit malillugu ilinniarnerinerisa ingerlanera iluatsilluarsimavoq. Ilinniarnerup ingerlannera pillugu maanna misilittagaqalerpugut naatsorsuutigaarpullu suli amerlanernik januar 2013-mi ilinniartoqalersinnaassalluta, Biskopip allaffiani pisortaq Morten Nornild KNR-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq