Kalaallisuumiit savalimmiormiusuumut ordbogi Tórshavnimi Kalaallit Illutaanni saqqummersinneqarpoq, ilaatigullu savalimmiormiut kultureqarnermut nunanullu allanut tunngasunut ministeriat, Jenis av Rana ordbogiliortorlu, Elin Neshamar, saqqummersitsinermi peqataapput.Assi: KNR/Anton Gundersen Lihn

Orðabók nutaaq: Kalaallisuumiit savalimmiormiusuumut nittartakkakkut nutserissuteqalertoq

Savalimmiuni naqiterisitsisarfik ordbogimik nutaamik, kalaallisuumiit savalimmiormiusuumut nutserissutaasinnaasumik, tallimanngornermi saqqummersitsivoq.

Pilluarit, ikiortissannik imaluunniit qaleralik savalimmiormiutut qanoq taasarneraat eqqarsaatiginikuuiuk?

Qanoq taasarneraat nalugukkit maanna ikiuutissaqalerputit.

Savalimmiuni naqiterisitsisarfik, Sprotin, kalaallisuumiit savalimmiormiusuumut ordbogimik tallimanngornermi saqqummersitserngaarpoq.

Ordbogi taanna internettikkut akeqanngitsumik atorneqarsinnaasoq, Savalimmiuni naqiterisitsisarfiup ordbogit digitaliusut saqqummersitaata 22-raat.

Naqiterisitsisarfik taanna danskisuumiit savalimmiormiusuumut ordboginik digitaliusunik siornatigut saqqummersitsereerpoq.

Februaarip ulluisa 21-at ilitsoqqussaralugu oqaatsinut nunarsuaq tamakkerlugu ullorititaasoq

Kalaallisuumiit savalimmiormiusuumut ordbogi Tórshavnimi Kalaallit Illutaanni saqqummersinneqarpoq, ilaatigullu savalimmiormiut kultureqarnermut nunanullu allanut tunngasunut ministeriat, Jenis av Rana ordbogiliortorlu, Elin Neshamar, saqqummersitsinermi peqataapput.

Ordbogimillu saqqummersitsineq UNESCO-p Ilitsoqqussaralugu Oqaatsinut Nunarsuaq Tamakkerlugu Ullorititaani pivoq.

Savalimmiormiullu qaleralik 'svartkalvi'-mik taasarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat