Oquk ilisimatusarfigilerpaat

DTU issittumi pisut pillugit suliffeqarfimmik nutaamik aalllartitsivoq taanna taaguuteqarpoq, Polar DTU.

Issittumi pissutsit pillugit suliffeqarfik issittoq pillugu ilimatusarfiussaaq ilisimatuunngorniat ingeniørinngorniallu, issittumi pissutsit pillugit immikkut sammisaqartut ilinniarfigissavaat.

Teknologimi suliat nutaat ineriartortinneqarnerannut aaqqiissutit pisortallu Polar DTU-imit sullineqartassapput.

Issittumi uuliasiornermi ajornartorsiutaasut aaqqiissutissaannik, issittumilu tappiorannartunit pisut nakorsaatitut ineriartortinneqarsinnaanerat DTU-mi suliarineqarsinnaapput.

Suliffeqarfik Polar DTU najugaqarfinni oquup ajornartorsiortitsisarnera pillugu Kalaallit Nunaannut iluaqutaasinnaasumik sullissisinnaavoq. Aviisi Ingeniøren taamatut allaaserisaqarpoq.  Polar DTU-p aningaasalersorneqarnera inissipppat, Kalaallit Nunaanni oquup ajornartorsiortitsinera erseqqissarneqassaaq.

Kalaallit Nunaanni oquk pillugu ilisimasat annikipput, Danmarks Tekniske Universitet-imi lektori Birgitte Andersen oqarpoq.

Issittoq pillugu ilisimatuussutsikkut suliffeqarfiup Polar DTU-p pisortaa tassaavoq, Niels Andersen  taanna issittumi ingeniørinngorniat ilinniarfiannut Artek-imut Sisimiuniittumut attuumassuteqalereerpoq.