Oqoqarnera peqqutigalugu Qaqortumi pineqaatissiisarfik matoqqinneqarpoq

Pinerluuteqarsimasunik inissiisarfik Qaqortumiittoq oqoqarmat matugallarneqassasoq, Pinerluttunik Isumaginnittoqarfiup nalunaarutigaa.

Pinerluuteqarsimasunut Qaqortumi inissiisarfiup oqoqaleqqissimanera sulisunit sapaatip-akunnerata siuliani pasitsaanneqarmat, Pinerluttunik Isumaginnittoqarfiup Permagreen Grønland A/S-imik misissuisitsisimavoq, misissuinermilu inernerit tallimanngormat saqqummiunneqarlutik.

Inernerit takutippaat pinerluuteqarsimasunut inissiisarfimmi sulisunut inissinneqarsimasunullu peqqinnanngitsumik oqoqaleqqissimasoq. Inissiisarfik Qaqortumiittoq matugallarneqassaq, Inissinneqarsimasullu nuunneqarnissaannut maanna pilersaarusiortoqaleruttortoq, Pinerluttunik Isumaginnittoqarfiup nalunaarutigaa.

Læs også Pinerluuteqarsimasunut inissiisarfimmi oquk

Tamanna pissutaalluni Pinerluttunik Isumaginnittoqarfiup nalilerpaa inissiisarfik Qaqortumiittoq matugallarneqassasoq. Inissinneqarsimasut nuunneqarnissaannut maanna pilersaarusiortoqaleruttorpoq, inissiisarfinnilu allani inissaqarnera pissutaalluni Qaqortumi inissinneqarsimasut taakkununnga nuussinnaanngorput.

Pinerluuteqarsimasunut Inissiisarfik Qaqortumiittoq maanna salinneqartussanngorpoq, tassungalu atatillugu suliariumattussarsiuussisoqarumaarpoq, Pinerluttunik Isumaginnittoqarfimmik aqutsisoqarfik Danmarkillu inatsisinik atuutsitsinermut ministereqarfia suleqatigillutik taava nalilersuimaarput taava qanoq pisoqassanersoq.

Aamma atuaruk Titartaasarfik: Inatssiartut ataatsimiitarfia iluarsaakkaanni akikinnerussaaq

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat