Teheranimi oqartussat paasissutissanik kukkusunik piaaralutik saqqummiussinerat ilinniartunit akerliuffigineqarpoq.Assi: Atta Kenare/AFP/Ritzau Scanpix

Oqartussat salluliornerat akerliussutsimik takutitsivigineqartoq

Iranimi illersornissaqarfiup Ukrainemiut timmisartuannik kukkuluttortoqarneratigut nakkartitsisimanertik nassuerutigereeraalu, Iranip illoqarfiisa pingaarnersaanni Teheranimi akerliussutsiminnik takutitsisoqarpoq.

- USA akerarigipput oqartussat oqaatigisarpaat. Akeqqavulli maaniipput, akerliussutsiminnik takutitsisut, Teheranimi universitetit ilaata silataani katersuussimasut oqarput.

Sakkutuut naalagaannik Qassem Soleimanimik plakatiliat, akerliussutsiminnik takutitsisut aserorterpaat. Soleimani amerikamiunit Irakip illoqarfiisa pingaarnersaanni Bagdadimi qanittukkut toqutaavoq.

Ilinniartut ilaatigut oqaatigaat oqartussat salluliortuusut, timmisartumillu nakkartitsisut tunuarniuteqarnissaat piumasaralugu, timmisartumillu nakkartitsinerup isertuunniarneqarsimaneranut pillarneqarnissaat aamma piumasaralugu.

Ukrainemiut timmisartuata qaartartumik igeriuttakkamit eqqorneqarsimannginnera, Iranimi oqartussat ulluni marlunni attakkaluarpaat, kukkusoqarneratigullu nakkartitsisoqarsimanera kingorna nassuerutigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat