Oqartussaanerulernissamut inatsisissaq kinguarteqquaat

Nunatta nunanut allanut tunngasutigut nammineersinnaalernissaanut inatsisissaq tunuarteqqullugu Atlantikup AvannaaniSuleqatigiit kaammattuutigaat.

Taama piumasaqarneq pissuteqarpoq Savalimmiut naalakkersuisuisa siulittaasuata Joannes Eidesgaardip statsminister Anders Fogh Rasmussenimut nunatsinnilu naalakersuisut siulittaasuannut Hans Enoksenimut saaffiginnissutigimmagu inatsisissamut siunnersuutip suliarineqarnera kinguarteqqullugu.

Tamanna noqqaassuteqarneq Atlantikup Avannaani Suleqatigiit isumaqatigaat, statsministerimullu allagaqarlutik inatsisissaq tunuarteqquaat, naak inatsisissamut siunnersuut nunatsinni inatsisartunit naalakkersuisuniillu akuersaarneqareeraluartoq.

Taama iliorneq inatsisartut avaqullugit iliornertut isigisariaqanngitsoq Folketingimi ilaasortaq Kuupik Kleist isumaqarpoq.

- Inatsisissami pineqartup aappaa misigisimavoq naammaginartumik tusaaniarneqarsimanani, siunnersuullu kinguartinneqalaaraluarpat ajoqutaassasorinngilarput, Kuupik Kleist oqarpoq.

Nunatsinni nunanut allanut naalakkersuisoq Josef Motzfeldt Atlantikup Avannaani Suleqatigiinnit kaammattorneqarpoq inatsisissamut siunnersut Savalimmiuni naalakkersuisunut oqaloqatiginnissutigeqqullugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat