Oqartussaaffitsik misissuiffiginialerpaat

Kalaallit Nunaat, Danmark, Canada, Rusland, Norge aamma USA issittup imartaani suut oqartussaaffiginerlugit Ilulissani maajip qaammataani ataatsimiinnerat angalanermut ilaatigut tunuliaqutaassaaq.

Ilisimatuut assigiinngitsut umiarsuarmut ilaassapput, immap naqqanik misissuisussaagamik, immap naqqata sannaa misissorneqassagami.

Canadap Issittup tunngaanut killeqarfini nuussinnaanerai misissuiffiginiarpai, pingaartumillu Beaufortip imartaa, tassa Ualerngup Tarajua misissuiffigineqassalluni.

Issittumi uuliasiorsinnaasoqarlunilu naturgassimik qalluisoqarsinnaanissaa misissuiffigineqassaaq, paasissutissat katersorneqassallutik.

Umiarsuaq Louis St. Laurent taamaammat oktobari ilanngullugu Beaufortip imartaanut, imaluunniit Ualerngup Tarajuata tungaanut ingerlaartinneqartassalluni. Imartaq pineqartoq USA-p Canadallu saqitsaassutigivaat, Ualerngullu Tarajuanukartitsinermi Canadap killeqarfii aalajangersarneqassallutik.

Canadap nukissiuuteqarnikkut pissaanilissuanngortinneqarnissaa, Canadap ministeriunerata Stephen Harperip oqariartuutigereerpaa.

Marianne Stenbæk Canadamiit taama ilisimatitsivoq.