Oqartussaaffini ikilinerat iluariinnarpaa
apriilip 15-at 2005 17:02
Inuit Ataqatigiinneersup Asii Chemnitz Narupip naalakkersuisuni oqartussaaffii affaannanngortinneqarput, Ilaqutariissutsimut naalakkersuisoqarfik Tommy Marømut ullumi tunniummagu. Taamaattorli Peqqissutsimut naalakkersuisuuffik tigummiinnassavaa.
Asii Chemnitz Narupip oqartussaaffimmik tunniussisinini ugguarigaluarlugu erseqqissaavoq, aappaatigut oqartussaaffimmik annertuumik ataasiinnarmik tigummiaqalernini nuannaarutigalugu.
- Naalakkersuineq eqqarsaatigalugu ilaqutariissutsimut naalakkersuisoqarfik allamut tunniunneqarmat qutsappara, taamaalilluni tamakkiinerusumik sullivigineqarsinnaanngornera. Matumani nalilersuilluartoqarsimavoq. Asii Chemnitz Narup oqarpoq.
